Labarik sira halimar iha tasi ibun ho sira nian hanoin nune mos sira haris tasi ho sira nia mihi nebe sei dok.
Labarik oan, Fernando Sylvan

Preparasaun Rejistu Patrimóniu Kultural Imaterial ‘’TAIS”

28/04/2017 > Nasionál

Minestériu Turismu liu husi Sekretaria de Estadu Arte no Kultura (SEAK) husi Diresaun Geral Arte no Kultura, kopera ho Minestériu Komérsiu Indústria no Ambiênte, no Komisaun Nasional Timor Leste ba UNESCO (KNTLU) organiza workshop konaba Preparasaun Rejistu Patrimóniu Kultural Imaterial ‘’TAIS”.
Loron 27/03, iha Salaun reuniaun CCD (Merkadu-Lama) Diretora Geral Arte no Kultura, Sra. Cecilia Assis halo abertura ba workshop, Dirétora Geral iha nia diskursu badak hatete katak ‘’workshop ne’e iha tamba Timor Leste ratifika ona konvensaun tolu UNESCO nian, konvensaun 1972 kona ba protesaun Patrimóniu Mundial, Kultural no Imaterial konvensaun 2003 kona ba salvaguarda Património Kultural Immaterial no konvensaun 2005 konaba Protesaun no Promosaun ba Diversidade no Espresaun Kultural sira no workshop ohin ne’e kolia konaba konvensaun 2013 salvaguarda patrimoniu imaterial no konvensaun ne’e laos tarata deit ba tais mas hare mos ita nia kulturais sira seluk mak hanesan Muzika,dansa,Uma Lulik, no tradisaun Uma Lulik nian hanesan ita nia istoria tradisaun mak ita nia beala sira husik hela mai ita no sai indentidade timor nian, no workshop ne’e hamutuk ho MCIA no KNTLU hodi hare liu-liu ba tais hodi promove atu bele sai parimoniu Mundial, no iha workshop ne’e atu diskute mos posiblidade Timor Leste bele kandidata tais hanesan primeiru patrimoniu mundial’’.
Iha workshop ne’e fahe informasaun konaba tais ne’e husi orador sira mak hanesan Diretor Nasional Diretor Nacional Patrimóniu Kultural, Sr. Manuel Ximenes Smith, Diretor Nacional Arte, Kultura Industria Kreativas Kulturais, Sr. Carlos de Jesus Freitas, no hosi Timor Aid, Sra. Rosália Soares). Ministériu Komérsiu Industria no Ambiente nia servisu kona ba Tais (Diretor Geral, Sr. António da Costa) no kontinua halo diskusaun grupu, estabelese ekipa konjunta entre parte intresadu hodi hala’o servisu durante 2017, no rekomendasaun hodi realiza planu registu tais nu’udar patrimoniu kultural immaterial ba UNESCO.
Partisipa iha workshop ne'e mak hanesan Xefi Gabinete SEAC, Diretor Geral MCIA,Sekretaria Ezekutiva Komisaun Nasional UNESCO, Timor Aid, xefi Seksaun Kultura husi Munisipiu sira,Diretor Nasional Funsiunariu husi Sekretaria Estadu ba Arte no Kultura, no konvidadus sira.

Governu Timor-Leste

Design no hala'o boq | Copyright © 2009 Sekretaria Estadu Arte no Kultura