Lia-na’in sira-nia mehi fanun ha’u / No ema lubun maka sei toba dukur.
Lia-na’in sira-nia, Abé Barreto

Inaugurasaun ba Forte Baguia

15/03/2017 > Nasionál

Ministra Turismu, Arte Kultura, Interina, Dra. Maria Isabel de Jesus Ximenes, halo Seremonia Inaugurasaun ba Forte Baguia iha loron 09, Kinta feira, fulan Marsu liu ba iha Postu Administrativu Baguia.
Forte Baguia Inaugura husi S.E Ministra Turismu, Arte Kultura Interina, Dra. Maria Isabel de Jesus Ximenes no iha loron hanesan Sekretaria Estadu ba Apoiu no Promosaun Socio-Económika ba Feto, S.E Sra. Veneranda Lemos Martins halo atividade iha Forte Baguia hodi komemora loron Feto Internasionál mak monu iha loron 08/03.
Iha Diskursu Ministra Interina dehan katak ‘’Forte Baguia ne’e sei fo benefesiu ba povu Baguia liu-liu ba Juventude ne’ebé mak uza hodi halo aktividade, no mos husu ba povu Baguia oan sira atu tau matan ba Forte ne’e’’, no iha komemorasaun ba loron feto Internasionál, Sekretaria Estadu ba Apoiu no Promosaun Socio-Económika ba Feto hateten ‘’Feto maka hanesan inan hanesan edukadora no gestor iha famila no sosiedade’’.
Serimónia Inaugurasaun Forte Baguia ne’e hetan partisipasaun husi Embaixador Portugal, Reprezentante husi Embaixada Australia, Prizidente Autoridade Lokal Administrativu Baucau, Amo Paroku, estudantes, representante husi ministeriu relevante, Konvidadu no komunidade sira ne'ebé reprezenta suku 10 iha postu adminitrativu Baguia mak iha Postu Baguia. No mos Iha atividade refere hetan mos animasaun husi artista nasional ne'ebe hanesan jerasaun Baguia Oan (Gerson de Oliveira). Hodi anima komunidade iha posto adminitrativu Baguia.

Governu Timor-Leste

Design no hala'o boq | Copyright © 2009 Sekretaria Estadu Arte no Kultura