tempu atu nonók / iha hakmatek laran / tempu moris / ba sira be mate ona
Nonók minutu ida, Borja da Costa

Inaugura Estatua São José Operario

18/01/2017 > Nasionál

Iha loron 16/01/2017, Ministra Turismu, Arte no Kultura em Exersisiu, Dra. Maria Isabel de Jesus Ximenes, Dra. Maria Isabel de Jesus Ximenes, halo Inaugurasaun ba Estatua São José Operariu iha Eskola Balide. Inisiativa husi estudante finalista tinan 2016 nian, no hetan apoio husi Ministeriu Turismu, Arte Kultura.
Objektivu husi halo estatua ne’e, atu hametin nafatin amizade entre estudante sira no sai mos hanesan lembransa no jestu agradesimentu ba eskola ne’ebé mak durante ne’e eduka ona sira.
Ministra Interina em Exersisiu, Dra. Maria Isabel de Jesus Ximenes, iha nia liafuan badak no lia menon ba estudante sira katak “ São José ita hotu hetene hanesan aman adoptivu ba Jesus, no santo ne’ebé obidiente tebes, no operariu ne’e hanesan servisu nain, uluk hanesan karpinteiru, tamba ne’e mak hau sente eskola ida ne’e fo inisiativa mai ita husi estudante finalista 2016, no halo husik hela ba ita, hau lori Governu nia naran, Dioseze Dili no Paroquia Balide nian kontribuisaun ne’ebé fo ba ita nia rain hodi hari’i eskola ne’e hodi eduka ita nia foinsa’e sira, hodi bele sai ema , bele sai mos São José nia exemplu mak hanesan servisu, estuda, halo komportamentu diak”.
Partisipa iha Inaugurasaun ne’e husi Amo Paroquia Balide, Amo Vigariu Paroqia Balide, SE Ministra Turismu Arte Kultura, em Exersisu, Dra. Maria Isabel de Jesus Ximenes, Diretor Jeral ba Gabinete SEAK, Reprezentante husi Seguransa nian, Mestri sira husi Fundasaun São Paulo, inan aman husi estudante sira, no konvidadus sira.

Governu Timor-Leste

Design no hala'o boq | Copyright © 2009 Sekretaria Estadu Arte no Kultura